Willkomme im Gartekino
Vom 1. bis 14. Auguscht zeiged mir usgwählti Film von Schwizer Kinos. Zudem warted es Grill-Füür (Grillade sälber mitbringe) und en gfüllte Getränkechüelschrank uf oi. Ihr dörfed gern au scho am Namittag itrudle und z.B. na im Pfäffikersee en Schwumm go neh (Velo stönd parat). Wer möcht, chan im Garte zälte oder bi ois im Hüüsli pfuuse.
Bi unvorhergsehne Wätter oder Virus-Umschwüng träged mir Programmänderig direkt in Film-Kaländer ii.
Sind ihr gluschtig worde? Dänn chömed verbii und mäldet oi bitte vorher im Kaländer a. Mir froied ois sehr uf oi und grüessed oi herzlich.
Beni, Linus & Rahel
Kontakt und Adrässe
Ihr findet s Gartekino ade Usterstrasse 40 in 8620 Wetzikon. 1-2 Parkplätz sind vorhande aber mer chunt au sehr guet per ÖV zu ois. https://goo.gl/maps/jkqm6qPdyWvhyVXr8
Falls ihr oi lieber wänd per Telefon oder Mail amälde oder s na Frage git dänn unschiniert mälde unter 077 413 68 01 oder br@colabri.ch